پەیمانگەی تەکنیکیی تایبەتی ئاکرێ

پەیمانگەی تەکنیکیی تایبەتی ئاکرێ                 

 

پشكا كارگێرى یاسا ل سالا ٢٠١٥- ٢٠١٦ ل پەیمانگەها تەكنیكى رواندز یا تایبەت / تایێ ئاكرێ یا تایبەت هاتیە ڤەكرن وبۆ هەمان سال ( ٢٣ ) قوتابی هاتبوونە وەرگرتن.
پەیوندیەكا موكوم هەیە دناڤبەرا جڤاكى ویاسایێ دا ژبەركو یاسا هەمى پەیوەندیان دناڤبەرا تاكە كەسان دا رێك دئێخیت وهەمى ئالۆزى وناكۆكیان چارەسەر دكەت لەوما ممكن نیە كو جڤاكەك هەبیت بێ یاسا، ئەڤ پشكە هەول ددەت كو جهەكێ بەرچاڤ هەبیت لسەر ئاستێ جڤاكى كو بكاریت باوەریا هەمى كەسان دناڤ جڤاكى بدەست خۆڤه‌ بینیت برێكا دابینكرنا ژینگەهەكا سەقامگیر بۆ خاندنێ وڤەكۆلینێن زانستى وخزمەتكرنا جڤاكى ، لدویف ڤێ چەندێ دیتنا پشكێ ئاشكرا دبیت كو ئامادەكرنا جیلەكى یە كو یێ چەكدار بیت ب زانین یاسایى وبكاریت كو بەپرسیارەتیا جڤاكى هەلگریت ولبەرامبەر هەمى هەولێن پیشێلكرنا یاسایێ .
پشكا كارگێرى یاسا شۆلێ وێ یێ سەرەكى پێگەهاندنا وان قوتابیا یە ئەوێن كو ل ڤێ پشكێ دهێنە وەرگرتن وفێركرن وراهێنانا وانە ب زانیاریێن پێتڤى دەربارەى هەردوو زانستێن یاسایى وكارگێرى ژبۆى كو ئەڤ قوتابیە بكارن پشتى دەرچۆنێ رۆلێ خۆ ببینن دناڤ جڤاكى ودام ودەزگەهێن میرى یێن حكومەتا هەرێما كوردستانێ وكەرتێ تایبه‌ت .
ئامانجێن پشكێ : ئامانجا سەرەكى یا ڤێ پشکێ ئامادەكرنا دەرچۆیێن ڤێ پشکێ یە كو بكارن ڤان كارێن ل خوارێ هاتى ب باشترین شێوە ئەنجامبدەت دناڤا دام ودەزگەهێن حكومى وكەرتێ تایبەتدا .
١. ئەنجامدانا كارێن یاسایى ل دام و دەزگەهێن میرى یێن حكومەتا هەرێما كوردستانێ .
٢. چاڤدێریکرن وجێبەجێكرنا كارێن پێتڤى ل دام و دەزگەهێن دادى یێن حكومه‌تێ ب تایبەتى رێكخستن ورێڤەبرن ودویفچۆنا سكالایا .
٣. نڤیسینا كۆنووسا(چبگ)لدەمێ گێرانا دادگەها ل هەمى بوارێن جودا جودا.
٤. جێبەجێكرنا كارێن ژمێریارى وكارگێرى یێن پێتڤى ل دام و دەزگەهێن حكومەتێ ب تایبەتى ل دام ودەزگەهێن دادى.