پەیمانگەی تەکنیکیی تایبەتی ئاکرێ

پەیمانگەی تەکنیکیی تایبەتی ئاکرێ                 



پەیمانگەهێن (ئایندە، رواندز و ئاکرێ) دێ دووهەمین سیمپۆزیەما سالانە یا خۆ ل مەها نیسانا ئەڤ سالەدا  رێکئێخین، سیمپۆزیەما ئەڤ سال مینا بزاڤەکە بۆ پاراستنا سەرمایە و هێزا مرۆیی یێ جڤاکی لسەر ماددێن هۆشبەر.


ئێک ژ مەترسیێن کو د نها دا بەداخەوە مینا تیرۆرەکە نەرم بزاڤ دکەت جەستە، حەز و  خولیا، هیڤی و ئومێدا تاکێن جڤاکی ژ ناڤ ببەت و ب دەهان ئاریشێن تەندروستی و دەرۆنی، جڤاکی، ئابووری و یاسایی لپەی خۆ بینت، ماددێن هۆشبەر و بەلاڤبونا وێ یە، کو ئێکە ژ مەزنترین گەفێن لسەر هێزا مرۆییا مە و لڤۆکا پێشکەفتنا مە.
ل روانگەهێ هەستکرن ب ڤان مەتڕسیان و سەخمەراتی پاراستنا هێزا مرۆیی و جڤاکێ مە و، ڤەڕەڤینا مەتڕسیێن سەری، دامەزراوەیا شەهید ژ بۆ پەروەردە و خواندنا بلند کو پەیمانگەهێن (ئایندە، رواندز و ئاکرێ) بخوەڤە دگریت، مینا ئەرکەکی پیشەیی و زانستی ژ لایەکی و، هەروەسا مینا ئەرکەکی ئەخلاقی ل هەمبەری جڤاکی ژلایەکی دیڤه، کو خۆ ژ بکارئینانێن پسپۆریێن زانستی بۆ شرۆڤەیا ئاریشێن مرۆیی دبینت، ئەڤ سیمپۆزیما ل ژێر ناڤ و نیشانێ ( مەترسیا ماددێن هۆشبەر و پێنگاڤێن پێدڤی و رێک گرتن ژ بەلاڤ بوونا وێ) رێکئێخین.
سیمپۆزیەم دێ ل رۆژا پێنچ شەمبی 25.4.2019 ل سەنتەرێ رەوشەنبیری یا زانکۆیا سەلاحەدین ب رێڤه دچیت. هیڤی دارین هەمی پێکڤه بکارین، پەردێ لسەر ڤێ تێرۆرا نەرم ڤەدەین و ئاستێن مەتڕسیا وێ بۆ داهاتی یا وەلاتێ مە بەرچاڤ بکەین ، ل رەهەندێن تەندروستی، یاسایی، کارکێری، جڤاکی و ئابووری ڤە پێنگاڤێن پێدڤی  سرۆڤە بکەین.