پەیمانگەی تەکنیکیی تایبەتی ئاکرێ

پەیمانگەی تەکنیکیی تایبەتی ئاکرێ                 



ئامارێن ماددێن هۆشبەر دێتە مەندەهوش کەن

پەیمانگەهێن ئایندە، رواندز و ئاکرێ ل سیمپۆزیەمەکیدا مەترسیا ماددەێن هۆشبەر روونکرن و هۆشداریێش ب حکومەت و خەڵکێ کوردستانێ ددەن ئەگەر چارەسەریەك نەهێتە دیتن، پاشەروژا کوردستانێ یا ل بن مەترسییەکا مەزن دا، چونکی بەشەك ل کەوانی زێڕینێ ماددێن هۆشبەر لسەر ئاستێ جیهانێ. ل سیمپۆزیەمیدا ئاشکراکر کو ل ماوێ 12 ساڵێن بوریدا، ژمارا گرتیا نزیکەی 25 بەرامبەر، واتە سەدێ دوو هزار و 500و، بڕێ ماددێن هۆشبەر دەستبسەرداگرتی 135 بەرامبەر، واتە سەدێ 14 هزار و 900زێدەكریە.

رۆژا پێنچ شەمبی 25-4-2019، پەیمانگەهێن تەکنیکیێن تایبەت (ئایندە، رواندز و ئاکرێ) سەر ب دامەزراوا شەهید بۆ پەروەردە و خاندنا بلند، سیمپۆزیەمەك ب ناڤونیشانێ (مەترسیا ماددێن هۆشبەر و پێنگاڤێن پێدڤی ل رێگیریكرنێ ل بەربەلاڤ بوونێ رێکخست). ل سیمپۆزیەمێدا ژلایێ بەشداربووان ڤە مەترسیا بەربەلاڤ بوونا ماددێن هۆشبەر ئێخستە بەرچاڤ کو خەریکە ل حاڵەتەوە دبیتە دیاردە و جەختکرایە سەر کە ئەڤ پرسە هێندەی پرسەکان وەکو گەندەڵی و تیرۆر لسەر پاشەروژا گەنجێن داهاتیدا مەترسیدارە، ب تایبەت کو هەرێما کوردستانێ بەشەکە ل کڤانا زێڕینا ماددێن هۆشبەر لسەر ئاستێ جیهانێ، کو ل پاکستانێ دەستپێدکەت و بۆ ئیرانێ دێت، دیڤدا هەرێما کوردستانێ و تورکیا و بەرەف ئەوروپا درێژدبیت.

موقەدەم بەختیار کەریم، بەرپرسێ بانکا زانیاریا ل رێڤەبەریا گشتیا بەرەنگاربوونا ماددێن هۆشبەر، ئێك ل ئاخفتنكەرا بوو و ل دەمێ پێشکەشکرنا بابەتێ خودا ئاستێ مەترسییان روونکرەڤە و راگەهاند: "ل ساڵا 2006 بتنێ 38 کەس لسەر بەکارهێنان و بازرگانیكرنێ ب ماددێن هۆشبەر هاتینەگرتن و بتنێ نزیکی سێ کیلۆ ماددێن هۆشبەر دەستی بەسەردا گرتینە، بەڵێ ل ساڵا 2018 دا بەشێوەیەکێ ئێکجار زۆر زێدەبویە، بشێوازەكی ژمارا گرتیا بۆ 969کەس و نزیکی 405 کییلۆگرام ماددێن هۆشبەر دەستبەسەرداگرتینە بەرەف زێدەبوونێە".

هەر لسەر ڤێ چەندێ ماوێ 12 ساڵێن بوریدا، ژمارا گرتیا نزیکی 25 بەرامبەر، واتە سەدێ دوو هزار و 500و، بڕێ ماددێن هۆشبەر دەستبەسەرداگرتینە 135 بەرامبەر، واتە سەدێ 14 هزار و 900زێدەبوویە.

ل سیمپۆزیەمیدا جەخت كرە سەر کو بتنێ گرتنا تووشبوویان چارەسەر نییە و ب پێدڤی هاتەزانین سەنتەرەكێ چارەسەرکرنا
تووشبوویێن ماددێن هۆشبەر بهێنەڤەكن، ژلایێ نوێنەرێن وەزارەتا تەندروستی و رێڤەبەریا بەرەنگاربوونا ماددێن هۆشبەر هاتە ڕاگەهاندن، ل ساڵا 2010 زڤی بۆ هاتیەتەرخانکرن، بەڵێ بودجە بۆ تەرخان نەکریە.

ئاخفتنكەرێن سیمپۆزیەمێ بریتیبوون ل:

- د. محیەدین محەممەدخانی، پسپۆرێ دەرونزانی و مامۆستایێ زانکۆیێ.
- رێزان حوسێن، نوێنەرا وەزارەتا تەندروستی و سکرتێرا لیژنا باڵا یا بەرەنگاربوونا ماددێن هۆشبەر.
- موقەدەم بەختیار کەریم، بەرپرسێ بانکا زانیاریا رێڤەبەریا گشتیا بەرەنگاربوونا ماددێن هۆشبەر و ئەندامێ لیژنا باڵا بەرەنگاربوونا ماددێن هۆشبەر.
- د. محەممەد شەریف، سەرۆکێ کۆڕبەندا هزرا ئیسلامی کوردستان.
-. یوسف عوسمان، پسپۆرێ دەرونزانی و مامۆستایێ زانکۆیێ.
- د. محەممەد سەباح، پسپۆر ل یاسایا تاوانکاری و مامۆستایێ زانکۆیێ.
- تەنیا بەدرەدین، دەرونزان و چالاکڤان د بوارێ بەرەنگاربوونا ماددێن هۆشبەر.